http://www.kitabat.com/i9074.htm
15 تشرين
الأول 2005
خنجر شيوعي من التيار الصدري
كتابات
- شلش العراقي
حملت
خنجر على محمل
الجد هذا
اليوم وهو
يقول لي : وروح
ابوي اني
شيوعي . وكلي
اذا متصدگ
اسأل تروتسكي
. فقلت متفاجأ :
منو تروتسكي
هذا؟ ضحك وگلي
منو اكو غير
الرفيق ابو
داود؟ طبعا
صدگ تاهت عليّ
منو ابو داود
؟!!، اذا بس
بدربونته
اربعة ابو داود
، ولا واحد
منهم چان رفيق
والحمد الله.
كلي
تعرف شنو
المادية
الديالكتيكية
؟ لا . جاوبته
باستغراب !!!
لا
ياغبي لعد شلون
انت خريج
مساحة ؟!!!.
والله
خنجر ما
ماخذينها شنو
هاي
الديالكتيكيكيكيية
؟ بالله
المادية
أعرفها مثل
مرتي تحب
الفلوس ..
كلي
اتركنه من
مرتك هاي
مشكلتها
طبقية ..
انا
اخوك!! شني
طبقية خنجر؟!
لاتشككني
بالمرة . ترى
اطلكها بشرفي
, ضحك خنجر من
كل كَلبه وكَلي
لا محشومة
مرتك ، هاي
امور اكبر منك
و اكبر من ابو مرتك
، بس انت واحد
غبي.
خنجر
انهد عليّ
بكلمات كلشي
ما افتهمت
منها,الحتميّة
وراس المال
والجدل
والهيغلية
..وماركس كلب
هيجل عل
البطانة..
يابه
خنجر على كيفك
شماكل
اليوم؟!!!..
شماكل(
جوابني) وهو
اكو شيوعي
شبعان،.....
وداعتك بطرَگ
الهوى
والاغاني
وقصايد مظفر وعريان
..ود گ قراية
شكال انجلز
وشحچه لينين ..
كتله
خنجر تعال انت
تضحك عليّ؟
انت مو بالتيار
الصدري ؟
ورايح وجاي
وياهم
والصلاة
التعجيلية
والامام
الحجة
والشهيد
الثاني
والشيباني
والدراجي
والخزاعي
والزركاني .
شو اليوم
گالبه ماركس
ومدري منو
ومدري منو
وكلام غريب
عجيب...ضحك
خنجر مرة
ثانية وكلي يا
متخلف هاي
شبيك صدك انت .....
o لك هو
شنو الفرق بين
التيار
الصدري
والحزب الشيوعي؟
• لك شلون
ماكو فرق صح
اني ما افتهم
بس هاي وين وهاي
وين.(رديت
عليه)
ياعبقري
(صاح بوجهي) لك
احنا اثنينا
بروليتاريا
رثة, اثنينا
مصير واحد ضد
بيت الحكيم
الذين شكلو
عبر تاريخهم
الطبقة
المُستغِلة
,انت متدري
الحكيم
الچبير شگال علينة
.
o شگال؟
سالته
•
((الشيوعية
كفرٌ والحاد ))
اي انتم
صدك كفرة ولد
كفرة "
جاوبته "
لك لا
..موهاي
القضية ،
القصة وما
بيها هي من اجا
عبد الكريم
قاسم ، وسوّه
الاصلاح
الزراعي الحكيم
انضربت
مصالحه ، لان
الخمس الچان
يخمطه من شيوخ
العشائر
الاقطاعيين
والياخذو من چتف
الفلاح
المسكين طار
من ايد الحكيم
ورجع للفلاحين
..الحكيم كفّر
الشيوعية
وحارب عبد
الكريم
قاسم..انت
تدري الخمس
شكد يساوي ....
ملايين ... يا
ملايين
مليارات ...
گتله
وبيت الصدر
شنو علاقتهم
بالشيوعية
همه هم ياخذون
خمــــــــــــــــــــس؟!!!
.
لا،
ابني ، لا.. بيت
الصدر شرفاء،
روح شوف بيت السيّد
مقتدى
قنفـــــــــــة
مابي , وهمة يكرهون
بيت الحكيم
المفرهدين
الدنيا ، لك
الجادرية كلها
..الجادرية
والمسبح
لغفوها
بيومين بس لفو
بغداد، فنّك
اتطب هناك حتى
بدر يعلكوك
فلقه..فلقه
شنو ؟ يزربون
بتتناتك..
عدلت
نفسي وتنحنحت
وكتله خنجر
لتخلط الاوراق
، مو انتو
تكولون((
الدين افيون
الشعوب..))
عاشت
ايدك، گلي ،
هسة گمت تفتهم
.شفت المخدرات
اللي تجينة من
الجمهورية
الاسلامية ؟؟,
المخدرات هي
الافيون ..
والجمهورية
الاسلامية هي
الدين ،وانت
وامثالك من
الاغبياء همة
الشعوب .
خنجر
افحمني.. يعني
سكتنّي بهذا
الجواب وخلاني
اصدّگ
العمايم همه
افيون
الشعوب.بعدين
حدق بوجهي وگال
اسمع
شلش اني صايم..
ورا الفطور
اشوفك
واشرحلك راس
المال
والصراع
الطبقي
والحتمية
التاريخية..وباجر
ورا التصويت
على الدستور
امتحنك بيهن
.لازم اسويك
شيوعي
ياصيام
خنجر؟
لتدوخني انت
شيوعي لو صايم
؟
اني
شلون بهذا
الفطير
(جاوبني): بابا
الصيام مطلب
شرعي ماركسي
قبل ميكون
ديني ، احنا
افكارنا تقوم
على التظامن
مع الجيّاع،
ومحمّد (ص)
اكبر اشتراكي
..وثورة الحسين
(ع) وثورة
اكتوبر جاءتا
(خنجر كال
جاءتا) من رحم
المعاناةالانسانية
والصراع
الطبقي,,
خنجر
اليوم مو
طبيعي يمكن
بالعله عضو
لجنة مركزية
(حچيت ويّة
نفسي)
الرفيق
خنجر ادار
ظهره ومد ايده
بعبّه وطلع
كتاب چبير
وكام يمشي و
يقره ..... وصل
بيتهم انردم
بالباب التفت
عليّ ناوشني
ابتسامة
خبيثة وطب
بالبيت.