http://www.kitabat.com/i8594.htm
1 تشرين اول 5200
الله ينتقم منكم طيرتوا سكرة البارحة
كتابات
- شلش العراقي
بيني
وبينكم اني
الخميس
طوختها اكثر
من اللازم،بحيث
احد الاّن
اريد اذكر منو
جان كاعد على
يميني وخلص جكايري
ماكدرت..اتذكر
الكعده جانت
حلوه, وجواد
جان يغني
.وفاضل يطك
اصبع,,صح
بالبداية
تناقشنا
بالسياسة,لان
احنا محللين
ستراتيجيين,وعدنا
اراء بالوضع
الدولي
بريجنسكي
ميعرفها..وخاصة
عبد الرضا
صاحب الجمل
العبقرية من
مثل
- ورح
ابوي بوش كال
اطيها للشيعة.
- يابه هية
مبينة بيت
الحكيم
يكرهون اي شي
اسمه صدر.
-
الاكراد
استفادوا، كل(
الكاش) صار
عدهم، والخ من
تحليلات عبد
الرضا.
وقبل ان
انتقل بكم الى
الجمعة،
لايفوتني الا ان
انوه بعبقري
اخر، هو عمار
الذي لديه
نظرية وحيدة
وخطيرة، ما
ادري منين
جايبها، بس هي
تخوّف من واحد
يباوع
بيهأ,,عمار
يكول(طبعا اني
مالي دخل) انه
بعد
الانتخابات
الجاية ،ومن
يفوز الحكيم
وجماعته باسم
السيد
السيستاني
,بيت الحكيم
وبعد اقل من
سنة وبمعاونة
ابن
السيستاني
محمد رضا، راح
يطكون
السيستاني
بالدهن,,حتى
الحكم كله يصير
لبيت الحكيم،
المرجع منهم،
والحكومة منهم،
ومثل
السعودية
بالتدريج،
نصير الجمهورية
الحكيمية
الاسلامية,
بشرفكم
هاي مونظرية
خطيرة اني
مامصدك عمار ابو
صماخ هو
مبتكرها
وصاحب
امتيازها،
لا ابو الشباب
لاطشها، بس
منين الله
يعلم !!
الاّن
نجي ليوم
الجمعة، كعدت
من النوم
راسي مفتر من
سكرة البارحة,
وتحليلات
الاصدقاء ،واغاني
ساجدة
عبيد(اخر
كاسيت)، وكفت
بالباب اريد
جاهل اودي
يجيبلي باكيت
جكاير,شفت
الناس تتراكض،
شكو ياستار؟
واحد مراهق
تواضع وجاوبني
- صلاة
الجمعة!!!.
حجي
خنجر من جانبه
وكعادته،
تدخل بصوت
يشبه صوت
ضفدعة: هو هذا
يعرف جمعة
يعرف صلاة،
هذا مال… ما
سمعت شكّمل
لان صار بعيد
عني
ضحكت من
كل كلبي، لاّن
اني بعيني
شايف خنجر بشارع
الخيام، حاط
عكاله
عالميز،
ويضرب بيرة
سنابل، وهاي
موبعيدة، لو
بالخمسة
وتسعين لو
بالستة
وتسعين,,من
جان سايق لوري,.
بهل
الاثناء طلعت
فضيلة جارتنا
كلتلي ها شلش شو
تضحك؟ كتلها
ماكو شي
وسألتها: شو
الحجي(رجلها)
ماراح لصلاة
الجمعة؟ كالت
الحجي غبش من
الصبح، لأن هو
يصلي بجامع
براثة، الحجي
متديّن من
صدك،مو من
جماعة
الصدر.المزعطة.
طبعا
خاف اكلكم هم
متصدكون ،اني
بعيني شايف الحجي
رجل فضيلة
بنادي العمال
بالحبيبية، يلعب
دمّبلة ويضرب
عرك عصرية,
وهاي هم مو
بعيدة قبل
السقوط بجم
سنة..
والله
لايجعلها
عليّ غيبة،
بنت الحجي
الوسطانية (
موراحة)،
وفضيلة مرت
الحجي تدري
بيها وكل اهل
الكماليات
بالسوك
شهود..وماريد
اضوجكم
واحجيلكم ابن
الحجي شحوسم
ايام السقوط..
اللهم
في يوم الجمعة
هذا، تقبل منا
دعاءنا, واحشرنا
مع محمد وال
بيت محمد ،انك
انت السميع العليم
..اقول قولي
هذا واستغفر
الله لي ولكم
..واقم الصلاة.