http://www.kitabat.com/i9614.htm
1تشرين الثاني 5200
خنجر وزيرا
للبيئة
والتخطيط
الانمائي
كتابات - شلش العراقي
فاجأت
خنجر وهو يفكك
سلاحه ال
(اربي جي سفن )
ويضعه في
صندوق ويدفنه
في حفرة داخل
بيتهم.
لم
يرتبك خنجر
لحضوري
المفاجيء ،بل
طلب مني
معاونته في
هذه العملية
,وكعادتي قمت
بكل ماتتطلبه
الجيرة من
حقوق . دفنا
السلاح ، ساوى
الخنجر الارض
بقدميه
والتفت الي
ليقرأ ملامحي
. وقبل ان يصرح ..
بادرته
بالسؤال
•
خنجر ليش دفنت
سلاحك ، مو
جنت تكَول هذا
شرفي ، شو
دفنت شرفك ؟
•
خوية شلش هسه
احنا بحالة
سلم والسلاح
راح نأجله
شوية ..
•
حالة سلم !!!
ليش طلعتوا
الاحتلال ؟
•
لا بس السيد
القائد قرر
المشاركة(
بالسياسة العملية
) وراح نصير
بالحكومة .
•
حكومة تحت
الاحتلال
خنجر ؟ وين
الشعارات والهوسات
والدك واللطم
•
خوية يا
احتلال ؟!
احنا مو ضد
الاحتلال .
احنا ضد
الحكومة العميلة
للاحتلال
•
زين انتوا مو
كلتوا
المشاركة
بالحكومة حرام
، هذا اغتصاب
سلطة المهدي(
ع )واحنا نمهد لظهوره
عجل الله
فرجه؟
•
صحيح بس
المهدي( عج)
طولها شوية ,
صار الف سنة
واحنا انصيح
وندك ونمّهد
بس ماكو
نتيجة..مدري
شني السالفة
•
يعني راح
تشاركون
بالانتخابات
؟
•
اي وتحالفنا
وية جماعة
الحكيم انت
وين جنت نايم
•
زين مو انتم
حوزة ناطقة
وهمه حوزة
صامتة ؟
•
اي السيد اتفق
وياهم همه
يبقون
ساكتين ومنجبين
لاحس ولا نفس
وبس احنا نحجي
,
•
والله زين
تسوون
•
اي خوية ، نشارك
بالانتخابات
ونستلم
الحكومة هذا
احسن حل
•
زين وهاي
الناس الماتت
وتعوقت
والارامل واليتامى
وين تروح
خطيتها
•
الشهداء
للجنة ،
والمعوقين
جزاهم الله
خير جزاء
المحسنين راح
نوزعلهم
عربانات
يابانية تك
باب
،والارامل
واليتامى
احنا ما
ننساهم ، راح
نبينلهم
مجمعات سكنية
بطويريج ،بعد
شعدك كول
ذبحتني ؟
•
همه للجنة
وطويريج
والعربانات
وانتم للمناصب
واللغف ؟
•
الحياة هيج
خوية ، لو ما
تضحياتهم جان
محد اشترانا
بفلس , وصدك
احنا ماعدنه
ولا فلس ،الله
وكيلك حتى
الحائري هم
شال ايده و
صارله سنة كلشي
مانوشنه ,يبجي
بوجه الله وين
ودا الخمس
الله اعلم
•
زين واذا طلع
المهدي عليه
السلام
ولكَامكم بالمنطقة
الخضراء
تضربون تشريب
؟
•
احنا راح
انمهدله
المنطقة
الخضراء
لاقامة دولته
العادلة دولة
الحق
والايمان
•
وانت شخصيا
شراح تحصل
خنجر ؟
•
اني راح اصير
وزير البيئة
..اي ورح ابوي
وزير البيئة
والتقفيص
الانمائي
.البارحة
كعدنا ووزعنا
الوزارات
بالتساوي..وراح
نشتري قوط وربطات
وقنادر جديدة
ويجوز نعّرس
اسبوع الجاي
•
والفقراء الي
قاتلوا وياكم
وانخدعوا
بشعاراتكم
واخرتوهم الف
سنة بطربكتكم
؟
•
شيردون ، راح
انزيد الحصة
ونبلط
الشوارع
ونلم الزبالة
وجزاهم الله
خير الجزاء ،
ما قصّروا
•
بس خنجر اني
الف مرة سمعت
السيد يكول
لسنا طلاب
مناصب
•
بوية انت حمار
،السيد
القائد يقصد
لسنا طلاب
ثانوية ، قابل
نترك الحكومة
لفيلق بدر
والجلبي
والباججي
والاعرجي
والقبنجي والمجبرجي
والشبوط
والبني
والكطان
ومدري منو ؟
•
زين خنجر ..خل
نفرض انتم
متفوزون
بالانتخابات
•
شلون ؟!!!
•
خل نفرض
•
خالي انت
مجنون ،اكو
اخو اخيته
مينتخب جيش الامام
المهدي عج ،
الدنيا
نحركها؟
•
اي اني ما
انتخبكم
•
انت شيوعي
ملحد ومنبوذ
ونهايتكم
قريبة انشاء
الله وحتى
المقعدين
مالتكم
بالجمعية راح ناخذهن
بعد شتريد
•
واني اعتقد
انتم هم هاي
نهايتكم
.مراح تحصلون
اصوات مثل ما
تتوقعون
،الناس شافت
المر من تصرفاتكم
والمخدوعين
راح يكشفون
نواياكم الحقيقية
بالحصول على
مناصب رخيصة
بدمائهم غالية
•
اذا ما فزنا
ماكو اسهل
منها ... نحفر
الكاع ونطلّع
السلاح
وننتظر المهدي
عج
•
واحنا نظل
لعبة بيدكم ؟
•
اسمع شلش ترى
انت طوختها ،
تحملتك هواي ،
و من توصل
حدها اني ابوي
ما عرفه.ايا
صديق يا جيران
ابن عمتي
كتلته وكعدت
بفاتحته
•
زين شراح
تكولون
للمساكين
بخطبة الجمعة
الجاية
•
راح انكلهم
انتخبوا
قائمة الدنيا
والاخرة قائمة
الدك واللطم
قائمة المي
والكهرباء
قائمة الامام
الحجة عجل
الله فرجه
ولعن عدوه و
نصر ولده ..
•
منو تقصد ولده
..فتاح الشيخ ؟
•
خنجر طكها
ضحكة من كل
كَلبه وكال :
انت شمجلب للمسكين
خل العالم
تعيش بوية.
لاتصير حسود
ترى الحسود
بعينه عود ،
هسه ابو العرك
موزين ساكتين
عنك .
تركت
خنجر وخرجت
اتمشى في
شوارع
المدينة المنكوبة
بهؤلاء
القتلة ,رايت
الحزن والياس
والخراب رفعت
عيني الى
السماء وصحت
باعلى صوتي:
يا
الهي بحق نبيك
المصطفى وال
بيته الاطهار
عجل ظهور
مهديّك
الامين لقد
ملئت الثورة
ظلما وجورا