http://www.kitabat.com/i11071.htm
13 كانون اول 5200
من شارع الانتخابات
كتابات - شلش
العراقي
هيلة مرة
فقيرة تبيع على باب الله خضروات بالسوك ، من الفجر تغبش لعلاوي جميلة ، تاخذ
المسواك من المكتب رقم 53 وتجي تبيعة بالسوك ، وصارلها على هالشغلة عشرين سنة ،
الحمد لله عيشتها زينة ومستورة ، بس مشكلتها الوحيدة شوية هي سمعها ثكيل يعني
بالعربي الفصيح طرشة، ومخلصه حياتها بالصياح
* ها
..ماسمعك علي صوتك شوية
بس هيلة
بحكم التجربة الطويلة صارت تعرف من طريقة تحريك الشفاه لغة الزبائن
، فتعرف هذا
يريد طمامة وهاي تريد بيتنجان وذاك يريد خيار وهكذا ، هالايام هيلة المسكينة كامت
تشوف اشياء غريبة في الشارع ، هوسات وبنادق واعلام وصور واجا سيد وراح سيد ، وصارت
الثورة مدينة تعج بالزوار والحمايات، كما صارت هيلة تستقبل زبائن غريبين وطلباتهم
غريبة ومتفتهم عليهم كلشي ، ومخلصتها فاكة حلكها بوجه الزبائن وعندما تياس تكتفي
بجملة.
* ماعدي
خلصت .
ولان
الانتخابات على الابواب فالمتطوعين لوجه الله بترويج القوائم رايحين جايين على
هيلة .
* هيلة
لاتنسين انتخبي الجماعة
* البيتنجان
خلص من الصبح وداعتج
* هيلة ترى
علاوي رجل المرحلة
* لايمة
علاوي رجل كاظمية وعده ثنين بنات منها
* حجية ديري
بالج على الربع ترى همة البركة
* مابيع ربع
، بس كيلوات يمة
* هيلة خمسة
،خمسة ، خمسة
* اي يمة ،
خمسة بصل ، خمسة خيار و خمسة فلفل ، لازم عدكم عزيمة ،بعد متريدون شي
* هيلة كومي
هوسي اجا عمار الحكيم
* قرنابيط ،
اي يمة شكد تردين؟
* هيلة هاي
صور السيد وزعيهن وية البصل
* ما اريد
عدي انترس البيت بس صور
* هيلة انت
موشيعية ،اطي صوتج للسادة
* ماكو
زوادة عيني كله محسوب علي
* هيلة
موتنسين الرقم
* اليوم
ماعندي شلغم باجر اجيب خالة
* هيلة
انتخبي خمسمية وخمسة وخمسين
* ماعدي
خردة وداعتج
* هيلة
الجلبي بشاربج لتنسين
* انت ابن
الجلب ، ولك ليش تسبني
* هيلة
خيارنا الحقيقي هو الائتلاف الموحد
* يمة اني
خياري طعروزي شوفه شلونه
* هيلة
انتخبي الالوسي
* ولج انت
يومية مضيعة فلوسج ، شبيج ثولة
هيلة
استغربت من طلبات الزبائن الغريبة ، باوعت على جارتها حمزية الخرسة لكتها تضحك
.باوعت على عيدان الكصاب شافته يضحك ، كامت عليه وصاحت
* عيدان هاي
الناس شبيها محد يشتري
عيدان حط
حلكه باذنها وصاح .
* هيلة ذولة
يردون صوتج للانتخابات لان صوتج مهم
هيلة فتحت
حلكها جنها افتهمت الموضوع ، باوعت على حمزية الخرسة التي استمرت تضحك اقتربت منها
* تضحكين
حمزية الخرسة انت حتى صوت ماعندج وممنوع تشاركين بالانتخابات والبلدية الميشارك
تكلب بسطيته على راسة .
f