http://www.kitabat.com/i10606.htm
1 كانون اول 5200
شـلـش مـتـخـتـخ ويـنـكـرط
كتابات - شلش
العراقي
اليوم شفت
خديجة المعلمة واكفه بالباب ، وقررت اسلم عليها بطريقة جديدة ، طريقة يعني شوية
تخليها تحس بيه ، وصلت قريب منها تلعثمت واحمريت من الخجل ، وضاعت الكلمات من
لساني كما يقول الشاعر ، خديجة بخبرتها في المدرسة مع الصغار أمثالي عرفت
شريد ، رأسا ابتسمت وكالت
* هاي شنو
شلش ، صاير حلو و تنكرط ،واكعتلك الوظيفة الجديدة .
* شكرا
خديجة بس آني . . .
* أنت
متختخ شلوشي شكو عليك.
متختخ !!
متت من الخجل وفلتت بسرعة ، الحجي بيناتنا دخت ، افتر راسي ، خديجة حلوة ، ،شنو
حلوة ، تموّت ، تشك شك ، وإذا صار عدنا وكت راح اوصفها الكم ،
كمت امشي وابتسامتي هل عرضها ، لا وانوب اغني بصوت شوية مسموع ،وامشي ما
ادري بروحي وين رايح ، وصلت الشارع ، طلعت الموبايل شفت بي رصيد يكفي ، رأسا
اتصلت برجل المهمات الصعبة (رجب) وإذا صارعدنا وكت بعدين احجيلكم عن صديقي العزيز
رجب .
* الو ، ها
رجب شلونك
* هلو شلش
* أنت وين
بالمحل ؟
* أي بالمحل
* اجيك ؟
عندك واحد عصرية ؟
* تعال .
* اسمع رجب
بس يمكن مشايل فلوس، لان راح اجي بتكسي وارجع بتكسي
* تعال خوية
أنت يا يوم شايل فلوس .
* تكسي .. .
من فضلك لكراج الأمانة .
ابو التكسي
شاب ومبين سبورت ، بس ورا ميتين متر داس المسجل(( جق)) لطمية وشلون لطمية من هاي
ألتعجبك ،وآني اكبر منافق من اشوف جماعة اللطميات الدائمة رأسا اشتغلت اللواكة :
* هاي
اللطمية قوية وراح اتبجيني .
* أي هاي
مال باسم الكربلائي .
* والله
صوته حلو ليش ميغني .
* يغني
؟ ليش هو فاسق ؟هذا ناذر صوته للطميات ،هذا من الموالين الثقاة
* زين
يسوي . . . هذا كبل يروح للجنة ...
* أي الله
يحشرنا وياه .
* هسة
المطربين لو كلهم يكلبوها لطميات ، جان ربحوا الدنيا والاخرة
* فاسقين .
* والله
صحيح ، لو أم كلثوم كبل متموت مسوية جم لطمية جان فلتت من العذاب .
* لعنة الله
عليها ،هاي الشيطان طاب براسها قشمرها وهسة تركها بوحشة القبر تتلوى .
* إذا أم
كلثوم هيج ، لعد هيفا وهبي شراح يسوون بيها ، خرب عرضج هيفا وهبي خاصة أغنيتها
الجديدة مال رجب .
* مال رجب ؟
* أي مال
رجب .
* ليش هي
بكل شهر عدها أغنية ؟ بشوال شغنت ؟
* لا رجب
اسم صديق حبيبها ..
* ، صديق
حبيبها ؟ هاي مو صداقة خوية هاي كوادة علنية.
في هذه
الأثناء أخواني تذكرت آني صديق رجب ، ويمكن هيفا وهبي تغني عليّ ، كلشي يصير هي مو
عولمة، وكعدت احلم بالموضوع والسايق جان مدري شيدردم ، واللطمية مشتغلة،
وصلنا
ناوشته الكروة وراسا طرت على رجب ، لكيته محضر بطل العرك بجيس اسود و
ناوشنياه، مديت أيدي بجيبي ، كلي خليها شلش اعتبرها هدية ، بهاي المناسبة ،
واني و ماحب الهدايا ، لكفت البطل ركعت رجب بجم بوسة وشطحت .
بالطريق كله
نسيت خديجة وكمت أفكر بهيفا وهبي . يا أخوان هيفا وهبي مو معقولة ، انتم شايفين
أغنية رجب وثوبها الأبيض الطويل ، وراسمه فراشة على جتفها ، والله آني زين عدي عقل
ليهسه
لك هاي شنو
؟ مو مرة ،طركاعة ، حورية من صدك ، عمي حقهم اهل الدشاديش القصيرة ينتحرون ،همه
هنا كاتلهم الهبري منو تكلبهم ، بوية اذا صدك تلكون هيفا وهبي بالجنة انتحروا
وخطيتكم بركبتي،انتحروا بس مو بالمسطر مال العمالة ،انتحروا فوك السطح. . جيتوا من
الجسر شبينا ماعدنا جسور،اشربو اسفنيك ،الانتحار مو براس الشيعة ،فوك ضيم الله
انتوا فوكاهم .
وصلت البيت
حطيت البطل وسويت جاجيك مال خيار، هل المرة مو مال خس ، لان الخيار ينكرط ومن
اكرطه أبقى أتذكر موضوعنا ، موضوعنا مال خديجة ،. يابوية خديجة المعلمة ،خديجة كلش
كلش حلوة ، بس بصراحة هي مو أحلى من هيفا وهبي ،يعني مو مال انتحار مال نص عرك
واغنية جذاب دولبني الوكت ، عربدة بالدربونة ، مال شعر شعبي، ومن يصير عدنا مجال
راح اوصلفكم خديجة المعلمة (وصفا دقيقا)
نصبت ميزي
بالكاع ورأسا بديت أول بيك ،ثاني بيك ، كعدت وزن ، فتحت التلفزيون والحمد لله
كهرباء اكو يعني صوت المولدة ما كو ، حطيت التلفزيون على روتانا ، وكعدت
انتظر هيفاء وهبي ، بسادس بيك طلعت المصيبة !!! ولا جمالة اغنية رجب .
"رجب
.. حوش صاحبك عني
رجب ..
صاحبك جنني
رجب ..ارب
مني
شلش ..
حيجنني
شلش اهو
شافني
وقال
مبيعرفني "
هيفا تباوع
علي تتغامز وتضحك عبالها سكران ،واني ميت من الخجل ، بس من تدير ظهرها اخذلي
بصة سريعة. هيفا هاي المرة ظلت اكثر من ساعتين تغني ، طفت الكهرباء وهي بعدها تغني
، الناس نامت وهي بعدها تصيح براسي ، لا وجانت تباوع علي بطريقة متوحشة وجنونية
تريد تلتهمني واني كاتلني الخجل ، هيفا صارت عصبية ، ذبت المايك وجيتت علية
، دك بوس ، يابوية آني طلعت صدك مجيم ، الزنجار كله بين .ولكم راح اموت ..
افييييييييييش .يمة تعاليلي . حجية الحكيلي ..هيفا أخذت أيدي وسحلتني بالكوة
للغرفة.(من يصير عدي وكت أكلكم شسوينا )
الصبح لكيت
بطل العرق بحضني وأمي واكفة فوك راسي ..
* اكعد شلش
، بعدك ما اشتغلت كمت تغيب ، اكعد صديقك خطبولة مرة ، هذا رجب شلون صديق يخطب
وميكلك ، بس والله يستاهل خديجة هم حلوة وهم معلمة ..
رجعت نمت
...