http://www.ahewar.org/debat/show.art.asp?aid=379732
بالط..
بالدم نفديك يا عراق
سرمد
علي الجراح
الحوار المتمدّن - 2013 / 9 / 26
على نحو لم يسبق له مثيل
في هذه المهجومة، تناقلت وكالات الاخبار موضوع تصليح وترميم وتبليط طيز النائب
العطية، ودفع الفاتورة من الأموال العامة.
واحد
محشش يكول لصاحبه: ليش يدفعون تصليح طيزه من خزينة الدولة؟ قابل هو كراج حكومي؟؟
لو دورة مياه عامة؟؟
صاحبه:
شكو بيها حالة طارئة، واعتبروها إصابة عمل.
المحشش:
إصابة بُطل؟ شلون يعني؟؟ شجابه عالـ بطل وكعد عليه؟؟
صاحبه:
لك يابة، إصابة عمل مو بطل، يعني إنجرح اثناء تأدية واجبه الرسمي.
المحشش:
عجيب.. وشلون صار الحادث؟؟ كلشي سامع بس واحد ينضرب بسمار بطيزه ماسامعها،
وبالبرلمان فوكها؟؟ شجاب البسمار سنتر بطيزه، قادر ياربي على كل شئ!
صاحبه:
شجلّبت انته بسالفة البسمار؟ منو يكول بسمار، يجوز واحد من زملائه ديتشاقة وياه
وبعصه حيل، لو واحد من المعارضة هفّـّة جلاق قوي، لو كلب بوليسي بالتفتيش عضّه
عباله ضام متفجرات هناك.
المحشش:
ماتشوف 59 مليون هوايه على هيج عملية؟؟ لازم الشگ جان جبير الله يساعده المسكين!
صاحبه:
يجوز لگه الطبيب بوري ايراني عتيك، ترى هذوله الإيرانيين مو راحة، وما تدري، كلشي
يطلع منهم.
المحشش:
تره إنته كلش تفتهم وصاير محلل سياسي، وخبير شؤون البواسير للسادة النواب. بس كلّي
بروح ابوك فد سؤال، أكو علاقة بين وثيقة الشرف اللي وقـّعوها، وطيز العطية؟؟
صاحبه:
أنت شكد غشيم، طبعا اكو علاقة، وعلاقه مهمة جدا، وهي انو يُمنع منعا باتا ويـُحرّم
على السياسيين تحريم لحم الخنزير، واللعب أو العبث، أو رمي الأنقاض والنفايات
وكشور الركي، بمؤخرات بعضهم البعض. وقد باركت المرجعيات الدينية السنية منها
والشيعية طيازتهم، وعبّرت الوثيقة عن خارطة الطريق نحو البديل السياسي.
المحشش:
زين شو التفجيرات بقت على حالها يومية؟؟
صاحبه:
حبيبي، هاي طيازتنه! مو مشكلة إذا راحت فِدوة للعراق.
ها
خوتي ها!
ها!
شعارنا
القادم : بالطيز، بالدم، نفديك يا عراق