http://www.kitabat.com/i10649.htm
3 كانون اول 5200
خالي ابو نوار يتصل بشلش
العراقي
كتابات - ماهر حكمت
ابو
نوار يعيش حاليا في اوروبا، وقد سمع بان شلش اصبح مليونيرا واسمه نجما ساطعا ولذلك
اتصل به عسى ولعل حوبة الصداقة القديمة تنقذه من عسرة مالية، واليكم نص المكالمة
.. وعذرا لغير العراقيين لأنها كتبت بلهجة عراقية شعبية. وشكرا لكتابات اذا ما
نشرتها ولشلش العراقي كل الأحترام .
*
ــ الو الو سلام عليكم.. اني ابو نوار من فضلك اكدر احجي وية اخوي
شلش.
*
ــ منهو انت.. الو تفضلو منهو .
*ــ
اني ابو نوار .
*ــ
منهوو.. ابو فوار .
*ــ
عمي، آني ابو نواررررر مو ابو فوار شبيك بالعجل نسيتني .
*ــ
لا والله عمي الطيارات والجيلات عمتنة، آنا موش شلش آنا عمّ.. وشلش راح يم صديجة
خنجر جيراننة فد دقيقة ادز الحجية حتى تصيحا {وبعد دقائق جاء شلش }...
*ــ
الو .. الو منو وياية .
*ــ
الو مرحبا ابو الشوش .. اني ابو نوار اكلمك من الخارج .
*ــ
هلا هلا هلا الف هلا بئبو نوار .... الف هلا شلونك بعد شلون الأهل شونة
*ــ
الحمد لله كلنا زينين بس شوية الأمور تعبانة هنا .
*ــ
إتخسة .. آنة اخوك يا شلش .. لا تكول هيج ابو نوار .. وآني موجود .. كول واتمنى
ابو نوار الوردة .
*ــ
لا ماكو شي بس دا اشوف اسمك اكثر من الجعفري وربعة عالأنترنيت.. وبالأخص هاي جذبتك
مال واحد ايبول نفط ههههه، اسمع شلش الله يخليك لا تروح زايد ترة والله فكري يمّك
لأن الجماعة مو امان وهواية راحو بيها مثل بولة وبشط .. سمعتني خوي شلوشي !
.
*ــ
أيْ سمعتك زين ابو نوار بس كل لي انت اي ربُع تُقصد ... ما أسمحلك ابو نوار اذا
قصدت صولاغ والدليمي .. ترة ذول اهلنا وعلى راسنا والله راح ايسوولك العراق جنة
عدن، خو هذا صولاغ والدليمي ضابطيها ضبطة العكال والله سباع مايخافون .. خوي ابو
نوار اني بالقرعان ما شايف مثلهم من بشر كرم وفلوس وخير، خو اسمعت انت قبل جم يوم
جلمتين شعر حصليتلي ذاك الحساب، لعد شعبالكم قابل هي هيتة .. يابا والله روحنا
نفديها الهم، وكل يوم صبح ومسة نهوسلهم اني والجهال والمرة والحجي والحجية بالروح
بالدم نفديك يا دليمي وياصولاغ .....
{
وهنا انتبهتُ لكلام شلش بانه يمتدح صولاغ والدليمي بشكل غير طبيعي فركزت قليلا
حينها اكتشفت انه قد سمع اشاعة بان كل الهواتف مراقبة من قبل صولاغ والدليمي
وبسرعة تراصفت معه } فقلت انا متجاوبا مع شلش ...
*ــ
خوية شلش يمعود ليش ما ادري الجعفري وربعة صولاغ والدليمي يحبون العراقيين، مو
احنا كاعد نشوف شدايصير بالعراق، شو مدينتنا الثورة صارت جنة مثل باريس وما يخلون
غريب اطبلها وسوك مريدي مثل ما كلت انت صار معرض الكترونيات، والمشتشفيات بعد ما
تشوف بيها بنات مفرعات، والرواتب والكهرب والماي وكلشي ماشي، حتى السجون كلبوها
دور ايتام، وهاي شغلت سجن الجادرية يقولون هي مؤامرة والبعثيين سووها، طيح الله
حظهم .. والله خوية شلش احنا هنا باوروبا سمعنا ان الأتحاد الأوروبي راح يطلبون من
صولاغ والدليمي والحكيم يعلموهم شلون يهجمون على بيت او شقة بيه نسوان وجهال،
وشلون يضربون سيوف وزناجيل، لأن الأتحاد الأوروبي يريدون يضبطون شعبهم الأرهابي،
لأن دايشوفون صولاغ والدليمي ضابطيها في العراق ... شنو انتم ما سمعتوا هيج خبر
بعد.
*ــ
لا والله ابو نوار بعد ما سمعنا، بس نعرف انهم يصدكون كلشي !
*ــ
اي لعد شعبالك .. شفت انت من جذبت وكلت اكو واحد يبول نفط، كلهم صدكوك .
*ــ
والله عجيبة .. بس ابو نوار بالقرعان انا جنت اشاقة وياهم .
*ــ
خوي شلش الأوريبيين مايعرفون الشقة، كلشي يصدكون، اسمع قبل يوم اكو واحد كتب عالأنترنيت
وكال .. شفت بعيني السماء تمطر لبلبي وجاجيك .
*ــ
اكيد هذا شراب اكشر شاف الثلج ينزل عبالة لبلبي وجاجيك هههههه .
*ــ
المهم الأمريكان صدكو بي وهسة جاعد يناقشوها اخاف تأثر على الرحلات
الفضائية ههههههه .
*ــ
والله غريبة خوي ابو نوار .. معقولة ليهسة اكو بشر يصدق واحد يبول نفط
!
*ــ
عمي شلش ليش ماكو ... اكو .. على كلن اسمع ابو الشوش، من حيث اسمك صار نجم وصار
يعرفونك كل الكتاب والصحفيين ارد اكلك فد مقترح .
*ــ
كول ابو نوار انا بخدمتك .
*ــ
اسمع، ليش متخوض الأنتخابات من حيث جذباتك هزت الدنيا، رتبلك فد رقم قائمة
انتخابية ودش روحك للتنافس وشوف ربك شراح يخلقلك، والله شلش الكل كاموا يحبونك
وشوف كتاباتهم عنك، انت تستاهل لأن اللي يحجي الصدق مثلك, العراقيين يحبونة، وشوف
انت من كلت اكو واحد يبول نفط . كلنا صدكناك وحبيناك، لأن حجيت الصدق، خو مو مثل
صولاغ والجعفري يكولون احنا ديمقراطيون، وشوف شغلهم كله بوك واعتقالات
واغتيال ، ها شلوشي حبيبي، اسمعتني اركض بالعجل سويلك قائمة قبل ما يفوتنة
القطار، وخللي اسمها قائمة { الطوب احسن لو مكواري } وارسملك فد بوستر يمثل عربانة
مال نفط يجرها حمار تعبان، صدكني شلش لاتفوتها علينا، شكلت جاوبني، واذا ما اكدرت
اليوم دزلياها عالأم اس ان، لأني اشوف هذا العنوان والبوستر راح يهز مشاعر العرب
العراقيين وراح ينتخبوها هينوب وتفوز الأولى والصحفيون والكتاب هالمرة محظريلك
مفاجئة والله الساتر شراح يسوولك هالمرة !!!
*ــ
شراح يسوولي .
*ــ
لك شبيك خفت .. انت اشو من صرت شاعر كمت تخربط، دا اكلك الكل راح يصوتون الك لأن
ذكرتهم بتاريخهم وبنفطهم، وراح ينتخبوك .. بنعم .
*ــ
يمعود ابو نوار اني مادبرها وية الجماعة، اخاف ايلفلفوني وبعد ما تشوفني .
*
ــ يا ستار .. شلش ليش اكو تلفلف صاير يمكم .
*ــ
عمي صايرا هينوب، كل ولاية صارت سجن محد يطوبلها ولا احد يطلع منها .
*ــ
هاي شدا تحجي، لعد وينها الديمقراطية .
*ــ
اهووووووو خليها صنطة ابو نوار، يا ديمقراطية هسة كلمن ملتهي بروحه وباللغف، لأن
هسة هي فرصة، وتايهة .
*ــ
لعد، وراس شلش العزيز، عبالي العراق صارت بي حرية وديمقراطية، ويكدر اي واحد
يسويلة قائمة ويدخل الأنتخابات، وحال حال صولاغ والحكيم .
*ــ
لا عمي ابو نوار، هاي كطنة وشيلها من اذنك، كلهم متفقين بيناتهم مثل الحرامية من
يبوكون فد بنك، وكاعدين يتقاسمون، وين اكدر اني المسكين تقارش وياهم .
*ــ
لعد اوكي ما دامت القضية تلفلف اتركها..دا افكرلك بشغله غيرها .
*ــ
ابو نوار عزيزي، متكللي ليش مدوخ روحك علية، خلليني بدردي .
*ــ
الصدك ..لأن شفت هواية كتبوا عنك ومدحوك، كلت بلكت احصللي جم فلس من وراك
وشوية اموري تستعدل .
*ــ
عيني... ابو نوار .. كلبي وتاج راسي انت صدكت عليهم ذولا الليكتبون عالأنترنيت .
*ــ
نعم آني اصدقهم لأن اللي كتب عليك ومدحك، هو عراقي ابن عراقي وشريف مثلك، نعم ذولا
العراقيين الكتاب، مو مثل الجعفري والحكيم بس يجذبون عالعراقيين ومسوين روحهم
ديمقراطيين، بس ولا يهمك احنا كلنا نعرفهم .
*ــ
عيني ابو نوار، هسة معلينا اني شايف صولاغ والدليمي احسن من مكروسوفت 100
مرة .
*ــ
ها لك شلش ... علينا .. هذا منين تعرفه عيني لهنا وصلت !!
*ــ
خوية ابو نوار، مو عبالك بس انت عندك موبايل وعنترنيت احنا هم عدنة .
*ــ
اعرف لعد ليش تكول الجعفري وصولاغ احسن من مكروسوفت .
*ــ
تدري ليش لأن هذا مكروسوفت هواية كاعد يدمر ويخرب ويخربط العنترنيت مال عراقنا .
*ــ
ها .. هسة افتهمتك، معناها صولاغ والدليمي والحكيم والجعفري وربعهم كاعد
يشتغلون عدل بالعراق ... افتهمتك شلوشي عيني .. زين افتهمتك.
*ــ
ابو نوار ... الو الو شو حسك كام يتكطع .
*ــ
شلش اغاتي تبين جماعتك كامو يشورون بية ههههه .
*ــ
هههههه والله صدك ابو نوار نسيت اكلك انتم باوروبا ديروا بالكم لا تحجون على صولاغ
والجعفري والحكيم ترة ذولا من سادة وعمامتهم ها كبر، والله يشورون بيكم،
ويطيحون حظكم .
*ــ
اوكي ابو الشوش شكرا على هاي النصيحة، وسلمنا على ربعنا، اعضاء القائمة قائمتنا
البطلة قائمة الطوب احسن لو مكواري وهم، خنجر ومرتة صاية و عمتك فطيم، وعباس
السكران، وام دعبول، و نوشة و ودير بالك على روحك من الواوية، والكارت خلص، واوداعناكم
.
*ــ
الله وياك .
+ المادة وردتنا يوم 1 - 12 -
2005 ولأسباب فنية تأخر نشرها